सामाजिक चळवळीतील खंबीर आधारस्तंभ : एस. पी. संबारे सर” वाढदिवसानिमित्त विशेष लेख

मलकापूर तालुक्यातील बेलाड या छोट्याशा गावातून सामाजिक क्षेत्रात आपल्या कार्याची सुरुवात करून संपूर्ण तालुक्यात “एस. पी. सर” या नावाने ओळख निर्माण करणारे आदरणीय एस. पी. संबारे सर (जन्मदिनांक : ५ एप्रिल १९७५) हे आज मराठा सेवा संघ व संभाजी ब्रिगेड चळवळीतील एक प्रेरणादायी व्यक्तिमत्त्व म्हणून ओळखले जातात.

मराठा सेवा संघाच्या विचारसरणीतून घडलेले त्यांचे व्यक्तिमत्त्व आज अनेकांसाठी मार्गदर्शक ठरले आहे. संभाजी ब्रिगेड चळवळीची अनेक वर्षे धुरा समर्थपणे सांभाळत त्यांनी संघटनात्मक कार्यात आपली वेगळी छाप उमटवली आहे. एक उत्कृष्ट संघटक म्हणून त्यांनी कार्यकर्त्यांना एकत्र ठेवत चळवळीला बळकटी दिली.

त्यांचा मनमिळाऊ स्वभाव आणि सर्वांच्या सुखदुःखात सहभागी होण्याची वृत्ती यामुळे ते सर्वांच्या मनात घर करून आहेत. तरुणांपासून जेष्ठांपर्यंत प्रत्येकाशी जिव्हाळ्याने संवाद साधत, त्यांनी एक मजबूत सामाजिक नातेसंबंध निर्माण केला आहे. विशेष म्हणजे, नवतरुणांना चळवळीशी जोडणारा दुवा म्हणून त्यांनी महत्त्वाची भूमिका बजावली आहे.

सहकार क्षेत्राचा सखोल अभ्यास, तसेच तालुका, जिल्हा आणि महाराष्ट्राच्या इतिहासाचे भक्कम ज्ञान यामुळे त्यांचे विचार अधिक समृद्ध झाले आहेत. त्यांच्या उत्कृष्ट लिखाणशैली आणि प्रभावी वक्तृत्वामुळे समाजप्रबोधनाच्या कार्यात त्यांनी मोठे योगदान दिले आहे.

राजकीय व सामाजिक क्षेत्रात सक्रिय असतानाही, कुटुंबाला वेळ देत शिक्षणाच्या माध्यमातून पुढील पिढी घडवण्याची त्यांची तळमळ उल्लेखनीय आहे. त्यांच्या या सर्वांगिण व्यक्तिमत्त्वामुळेच ते मराठा सेवा संघ व संभाजी ब्रिगेड चळवळीचे खंबीर आधारस्तंभ ठरले आहेत.

अशा या बहुआयामी, प्रेरणादायी व्यक्तिमत्त्व असलेल्या एस. पी. संबारे सरांना वाढदिवसानिमित्त मनःपूर्वक शुभेच्छा! त्यांच्या पुढील वाटचालीस उत्तम आरोग्य, दीर्घायुष्य आणि अधिक यश लाभो, हीच सदिच्छा.